美酒展

早幾日去了美酒展，是開放給公眾的最後一日。三時半入場，在展場中行了一陣，試了一些酒後，聞到陣陣烈酒的香氣，原來有烈酒的講座。於是入去聽聽及試下酒，一共試了兩杯白蘭地及四杯威士忌。講座完後已經六時正，有些酒商已收拾細軟，趕住收工。又有好多人站在booth前各自傾計，其他想試酒的人都埋唔到去…….

講座的紀念品
 

爛Gag

HR Manager: 請問你對本公司的第一印象是甚麼？
應徵者: 公司職員老化？
HR Manager: 何出此言？
應徵者: 因為剛剛在男厠發覺，每個尿兜前都有一大灘尿漬。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
茶客：伙記！你嚟睇下，杯奶茶有隻烏蠅游緊水！
伙記：係喎。唔好意思呀，哥仔！杯奶茶唔夠熱，淥唔死隻烏蠅，我即刻換過杯熱嘅俾你。

忘不了八九六四

維園見。
相關連結：
http://june4thatheart.uuuq.com/

茶版風波2

昨晚，香討義工超版發出以下聲明：
敬啟者:
有關捐款收據一事.因有關方面經驗不足.引政諸多延誤.
後竟產生風波,始料不及.
後由壇方付託收回,並已交回紅十字會核對共取得收據.以此示眾.
望各方在此猜測上告一段落並息風波.善事得善存.
不勝感激!
在風波中某些人以善款下落做謠生事，今天只好轉移視線，玩玩文字遊戲。
其實義工超版應該同佢老友講唔好搞咁多事，以免佢同其他義工難做同出醜。

茶版風波

香討茶版風波被有心人維持了半年，終於以不擇的手段，達到自己贏眾人輸的局面。或者有人十分享受在論壇上駡戰，今次大勝，下一目標是誰？

方卓如真身

早兩日《信報》余錦言說過方卓如便是龔耀輝，想不到今天龔生在信報玩自爆。擁有不少粉絲的青年才俊作者團背後的真身已有兩個現形，其他的孔少林又幾時出場？

道德塔利班Vs淫慾原敎旨

塔：好嘢！阿蕉一上電視，廣管局就收到千九幾個投訴電話，證明香港仲未道德淪亡。如果淫冠X、拍Z或者BB上電視，我哋都會努力打電話投訴，將投訴個案再創新高。
原：人哋你情我願下做愛，玩自拍又關你哋乜嘢事？人人都有性慾，做愛有錯嗎？
塔：佢哋都係年青人嘅偶像，佢哋嘅淫照會對崇拜佢哋嘅年青人有不良影響。
原：如果你未打算生仔，我勸你唔好去生仔。如果你已為人父母，我覺得你枉為父母。年青人的偶像應該係自己嘅父母，你做唔到子女嘅偶像，是但揾個A貨做替代品，你覺得冇問題咩？
塔：佢哋在鏡頭前就做乖仔乖女，鏡頭背後就做埋啲道德淪亡嘅行為，佢哋咁虛偽，應該受到讉責。
原：我唔覺得係虛偽，係佢哋好戲啫，藝人唔好戲就冇人要啦！你哋真係信佢哋幕前幕後同一個樣，係你哋天真。你哋一路閙佢哋，但又繼續買報紙雜誌去追淫照事件嘅進展，你哋唔虛偽咩？

發財立品

讀到二月四日的C觀點”我所得的 我不敢當”，無論是真心還是假意，都是值得鼓勵。大財主們，你們會有樣學樣嗎？

泛民散沙

班泛民越嚟越不知所謂。今次港島區補選，嗰頭班泛民坐低傾初選機制，另一邊班大佬又勸陳太出山，重要將陳太捧為泛民必然代表，搞到蘭姑同威仔要放棄參選。全程各自為政，做嘢前全無溝通，簡直是一盤散沙。
到 陳太初選勝出，卿卿又話陳太唔代表泛民，要逐一爭取泛民各團體的支持。妖！真係支持 卿卿唔住；人哋過咗泛民搞嘅初選，當然是代表泛民啦，而家又話唔支持，究竟想點？當初又係泛民自已將個補選捧到天咁高，話係民主同保皇決戰，當然要團結， 鎗口一致對外。而家人哋未上戰場，自已友就揪後腳，點同人fight？
香港市民有這班泛民散沙，有運行至奇！

爛Gag

男人最希望被其他人知道他所買安全套的型號是什麼？
大碼安全套。
男人最不希望被其他人知道他所買安全套的型號是什麼？
持久型。